السلام عليكم
هذا ولد من جماعة النزاكة كاعد يزين يم الحلاق:
الولد-هلو عمو شلونك
الحلاق-هلو ابني شزينلك طاسة لو اكرع
الولد-عمو انت شكاعد تحجي شنو هالقساوة
الحلاق-ابني لعد شتريد تزين
الولد-عمو اريد سبايكي وشوية الكذلة لتكصهة هواي اخاف يجي المكص يم كصتي
الحلاق-ابني اني رجال عندي شغل شنو سبايكي وين بيتهم
الولد-عمو شنو هالحجي ترة ازعل و اروح اضرب الحايط
الحلاق-ومتضرب الحايط
الولد-معقولة عمو يعني متزعل علي مو ختية
الحلاق-ابني شبيك شارب شي دفضني شتريد تزين
الولد-عمو مو كتلك سبايكي
الحلاق-يابة اني ازين طاسة و اكرع انت شتريد
الولد-عمو ترة انت هواي قاسي ترة اصيحلك بزونتي
الحلاق-يمة خوفتني
الولد-شنو متخاف من بزونتي ترة تخرمشك
الحلاق-خلي تخرمشني
الولد-لا عمو عفية زين اكو شعراية يم كذلتي كاعده تضوجني كل شوية ونازلة
ارفعه ماكو ترجع تنزل
الحلاق-ابني شسويلك اني عندي شغل اكعد اكصلك شعراية شعراية
الولد-ليش عمو انت شنو نوع مكينتك
الحلاق-ابني شنو مكينة اني ازين بالمكص
الولد-لا عفية اخاف على راسي ليتأذة ممتوقعك هيجي قاسي لا عفية مستحيل
الحلاق-اشطح منا
الولد-شنو هاي الكلمات البذيئة عمو عود انت رجال جبير
الحلاق-هسة انت شتريد ابني
الولد-اريد ازين
الحلاق-طاسة لو اكرع
الولد-سبايكي
الحلاق-خرب امشي اطلع منا!!:102:
الولد-عمو الطبلة مال اذني متتحمل نبرة صوتك القاسية
اني كلة اسمع اغاني رومانسية و اكعد بالحديقة واكل برتقال
الحلاق-ابني اني شعلية بيك تزين لو لا
الولد-اي عمو ازين
الحلاق-طاسة لو اكرع
الولد-سبايكي
مات الحلاق