الطبق الصحي اليومي

بما اني انا بيتزا قررت أغير حياتي و أغير نظام أكلي مشان يقل وزني

فراح اشارككم بوصافتي المتجدده سواء من لطشي أو تأليفي

مرات ممكن تكون اكلات بنعرفها بس راح أكتب كيف أكلتها بطريقه صحيه و قليلة السعرات

و مرات راح تكون أكلات اخترعتها حسب المكونات الموجوده في خزانة مطبخي و تلاجتي

اليوم معنا طبق من اختراعي... تونه المي بالخضار المشكله راح انزل صوره المره الجاي لما اعملها

عملته أول مره لحالي و حكيت يالله أكل دايت بعدين لقيت حالي باكل شي طيب... فحكيت خليني أعمله لأهلي بعد كم يوم .... مسحوا الصحن مسح و أضافوا الوصفه لمنيو العائله الاسبوعي

تونه المي بالخضار:

المكونات:

معلقتين طعام زيت زيتون
سنين أو أكتر حسب الرغبه يعني توم صحيح
علبة فطر مقطع او مش يعني متل ما بتحبوا
كيس خضار مشكل (أمريكانا) مجمد بيحتوي على ذره و لوبيا و بازيلا و جزر
ملعقة طعام باربكيو صوص
ملعقتين طعام خل عنب أحمر
ملعقه صغيرة صوياصوص قلية الملح
رشة ملح حسب الرغبه
علبة تونه محفوظ بالماء
معلقة طعام كاري او أكثر حسب الرغبه
ملعقة طعام تشيلي صوص او الفلفل الحار المفروم ناعم او حسب الرغبه يعني الي بحب الحار بكتر كاري و تشلي

الطريقه:

نضع زيت الزيتون و نضيف الثوم الصحيح حتى يحمر + نصفي الفطر من الماء و نغسله ثم نضيفه للزيت و الثوم و نقلب حتى تنشف ميته و يبدأ بالاشقرار لووول + نضيف الخضار المشكله بعد ما نكون سلقناها شوي بمي عيار غلوه واحده مش أكتر مشان تطرى لآنها مجمده و بنضيفها للفطر و بنقلب + نضيف الصويا صوص و الباربكيو صوص و الخل و الملح و الكاري و التشلي صوص او الفلفل الحار و بنقلب + لما ينضج الخضار بنفتح علبة التونه و بنصفيها من المي و بنضيفها للمكونات في المقلاة + ننتظر مجرد دقيقه و نرفع المقلاه عن النار + يقدم الطبق مع بعض الخس و قطعة توست محمصه و مدهونه بالقليل من زيت الزيتون

و جد كتير كتير كتيرررر طيبه ... لآنه الخضار كتير بتناسب التونه بالمي و الباربكيو صوص بتعطيها طعم المشوي او المدخن تقريبا و خل العنب الاحمر بيعطي التونه الحموضه الي بتلزمها و بنفس الوقت بيعطي للخضار حلاوه غريبه و متل ما شفتوا طبق طيب بجد بالقليل من الزيت و بمكونات صحيه

و هيك بيكون سكرك لليوم مزبوط

و صحتين و عافيه

صحتين وعافية على قلبك

موضوع رائع يفتح الشهيه

مشكووووووووووووووووووووووووووور جدا

مشكور يا محمد

» 5خطوات نحو الطبخ الصحي!